#ركن_أنتِ_الأجمل #كوني_حواء #امرأة
اصنعي القرار الصحيح كي تعيشي حياة زوجية ❤ سعيدة��
عزيزتي ❤ فكري قبل اتخاذ القرار ��
كثير من الحريم يعيشون حياة زوجية مملة أو روتينية ما فيها أي طعم وكثير من الحريم يحسون إنه حياتهم الزوجية تعيسة وإنهم لو بقوا ف بيوت أهاليهم بدون زواج أحسن لهم من حياتهم الزوجية الحالية ...
ولكن الحل شو ؟؟
إما إنها تغير حياتها للأفضل وهو أحسن حل أو إنها تتقبل أمر الواقع وتعيش حياتها مثل ما هو أو إنها تتطلق وهو آخر حل يمكن تلجإيله ...
أغلب الحريم يتقبلون أمر الواقع ويصبرون ويضحون بسعادتهم فالحياة عشان عيالهم ...
لكن لو خذنا وقفة وفكرنا في الموضوع وايد بنشوف إنه سبب عدم تقبلنا لحياتنا الزوجية تكمن في بدايتها ..
سببها اختيارنا الخاطئ سواء لشريك حياتنا أو وقت زواجنا أو إنا ما كنا مهيأين للزواج أو أزواجنا مب مهيئين له أو يمكن جهلنا بطبيعة الحياة الزوجية ...
عشان أنصح كل وحدة تفكر بالزواج أو مقبلة للزواج أو مخطوبة إنها تفكر بتأني وتسأل نفسها هل هو الوقت المناسب للزواج؟
هل اختارت شريك حياتها المناسب لها؟
هل يفهمها ويتقبلها بعيوبها وشخصيتها؟
هل هي تفهمه وتعرف عيوبه وشخصيته وتتقبلهم؟
هل تقدر تواجه وتحل مشاكل اللي ممكن يحصل بينهم وهل هو يقدر يواجه هالمشاكل أو لا؟
هل تقدر تربي عيالها وتتحمل مسؤوليتهم؟
هل هي مهيئة إنها تعيش مع أهل زوجها وتتقبلهم لأنه رضا بعض الأزواج لزوجته من رضا أهله في حريمهم خصوصاً أم الزوج...
هل هي تتقبل ثاني يشاركها حياتها ويتحكم بطلعاتها ورداتها ؟
في بعض الرجال ما يحبون حريمهم يطلعون برع وايد،، هل هي قادرة تعتمد على نفسها ف كل شي والا تعتمد على أمها في هالشي؟ لأنه الريال يبا حرمة تداريه ويعتمد عليها مو وحدة مو قادرة تعتمد علة نفسها ومو قادرة تدير بالها على روحها ...
وغيره وغيره من الأسئلة المهمة اللي يساعدها إنها تقرر صح قبل ما تتزوج عشان ماتي ف يوم من الأيام وتقول انا ندمانة لأني تزوجت
مشاركة من عضوة في الكويت ��
خدمة ماماشجعيني تابعونا في الاستغرام aishah_shada
ليست هناك تعليقات:
إرسال تعليق