ابدا لايرضى ان زوجك يمد يده عليك
بتجيني وحده طايره وتقول ليه في احد يرضى ان زوجها يضربها
اقول اي نعم، مجرد سكوتك عليه بأول مره مد يده عليك معناه انتي راضيه عنده
نصيحة..
وماعندي غيرها ولا اؤمن بحل غيره
اول مره يمد عليك..
وحتى لو انتي غلطانه عليه وحتى لو سابه ابو ام اهله..مو من حقه ابدا ابدا يمد يده عليك
متى مافهمتي انه مو من حقه..اتخذي على طول موقف.. اصرخي عليه.. وصيحي بأعلى صوتك
خذي اغراضك واتركي عيالك واطلعي لبيت اهلك وعلمي ابوك او اخوك يجيبه على ملاااخشته ويتاسف لك
وبعدها خليه ينطق وياكل بنفسه اسبوع وبعدين قولي له تكرما ولاني ما ابي اهدم بيتي رضيت.. ولكن لو تكرر مره ثانيه
والله لو تنطبق السماء على الارض مارجعت لك
( و ترك العيال..عشان يعرف هو وش قاعد يخسر..مو تعطينه اجازة وراحه يومين من ازعاجهم..خليه يحس انه لو كررها هدم بيته بيده مع فضيحة)
بتقولين لي جاء واعتذر وحلف
باقول ايه كلهم كذا يجون ويحضنونك ويبكون ويحلفون حلفان الدنيا ماعاد يكررونها،ولكن لمجرد تكرر اي موقف يستهين بالموضوع لان تذكر ان ضربه حسم الموضوع بالمره الاولى وراح يحسمها بالثانيه والثالثه والرابعه لين خلاااص مايتفاهم معاك الا بالضرب
خدمة ماماشجعيني تابعونا @aishah_shada
ليست هناك تعليقات:
إرسال تعليق